დიპლომატი მამუკა კუდავა ვენესუელაში მიმდინარე მოვლენებს ეხმაურება და აცხადებს,რომ ვენესუელაში დამარცხდება ჩავიზმი და ეს სიმბოლურად საქართველოს გამარჯვებაც იქნება. ამის შესახებ დიპლომატი ოფიციალურ ფეისბუქ გვერდზე წერს
,,თაიმერი” პოსტს უცვლელად გთავაზობთ:
,,ვენესუელაში დღეს თუ არა ხვალ აუცილებლად დამარცხდება გაბანკროტებული ჩავიზმი. ეს საქართველოსთვის გამარჯვებაა არა მხოლოდ საბოლოოდ აფხაზეთ-ცხინვალის აღიარების უკან გაწვევით, არამედ რუსული ოკუპაციის სიმბოლური მაგრამ მნიშვნელოვანი დელეგიტიმაციით საერთაშორისო ასპარეზზე.
ვენესუელა ხომ 5 ამღიარებელ ქვეყანას შორის ყველაზე დიდი და წონადია რუსეთის შემდეგ. წარუმატებელი სოციალისტური ექსპერიმენტების შემდეგ ლათინურ ამერიკაში მემარჯვენე ტალღაა – არგენტინა, ბრაზილია, ახლა ვენესუელა და იმედია მალე კიდევ ერთი ამღიარებელი, ანტიდასავლელი და “ჩავისტა” დანიელ ორტეგას ნიკარაგუა.”-აცხადება დიპლომატი
