ვენეციის კომისიას ესმის, რომ რიგი მოსამართლეების შემდეგი მოწვევის პარლამენტის მიერ დანიშვნა პოლიტიკური რეკომენდაციაა

თაიმერი timer.ge
: თაიმერი timer.ge აპრილი 17, 2019 11:47

ვენეციის კომისიას ესმის, რომ რიგი მოსამართლეების შემდეგი მოწვევის პარლამენტის მიერ დანიშვნა პოლიტიკური რეკომენდაციაა

ვენეციის კომისიას ესმის, რომ მოსამართლეების შემდეგი მოწვევის პარლამენტის მიერ დანიშვნა პოლიტიკური რეკომენდაციაა და პროცესი პოლიტიკურად დამუხტულია, – ამის შესახებ საქართველოში ევროკავშირის ელჩმა, კარლ ჰარცელმა განაცხადა.

როგორც კარლ ​ჰარცელმა აღნიშნა, მოსამართლეების შემდეგი მოწვევის პარლამენტის მიერ დანიშვნა არ არის წარმოდგენილი, როგორც ვენეციის კომისიის მთავარი რეკომენდაცია, რადგან ყველა მთავარი რეკომენდაცია არის მართლმსაჯულების საკითხზე.

„ცხადია, ვენეციის კომისია თავადაც აცნობიერებს, რომ ეს პოლიტიკური ხასიათის რეკომენდაციაა და პროცესი პოლიტიკურად დამუხტულია. საბოლოო ჯამში, ეს არ არის წარმოდგენილი, როგორც ვენეციის კომისიის მთავარი რეკომენდაცია, რადგან ყველა მთავარი რეკომენდაცია არის მართლმსაჯულების საკითხზე და არის ტექნიკური ხასიათის. ჩემი აზრით, ამ თემაზე მსჯელობა შეიძლება. ჩვენ აუცილებლად მოვისმენთ ამ საკითხზე ყველა მხარის მოსაზრებას“, – განაცხადა ჰარცელმა.

ამასთან, დისკუსია, რომელიც პარლამენტის თავმჯდომარესთან და ყველა სხვა დაინტერესებულ მხარესთან შედგება, ვენეციის კომისიის რეკომენდაციების განხილვას მიეძღვნება.

„მოხარული ვარ, რომ საქართველოს პარლამენტის თავმჯდომარემ რეკომენდაციებისთვის ვენეციის კომისიას მიმართა. ჩემი აზრით, ეს ნამდვილად სასარგებლოა, რათა მომზადდეს ნიადაგი დისკუსიების ბოლო ნაწილისთვის, ვგულისხმობ მოსამართლეების დანიშვნის კრიტერიუმებს. როგორც იცით, ევროკავშირში ვენეციის კომისიის რეკომენდაციები დაფასებულია, როდესაც საქმე მართლმსაჯულების საკითხებს ეხება. ველოდები ამ რეკომენდაციების იმპლემენტაციას. სწორედ ამაზე ვისაუბრებთ დისკუსიაზე, რომელიც პარლამენტის თავმჯდომარესთან და ყველა სხვა დაინტერესებულ მხარესთან გვექნება“, – განაცხადა ჰარცელმა.

ვენეციის კომისიამ მოსამართლეთა შერჩევის კანონპროექტთან დაკავშირებით რეკომენდაციები გუშინ გამოაქვეყნა.

თაიმერი timer.ge
: თაიმერი timer.ge აპრილი 17, 2019 11:47

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

შედეგის ნახვა

Google სტატისტიკა


15,573
ვიზიტორი
დღეში
Powered By Google Analytics