დღეს ვენაში ერთმანეთს აზერბაიჯანისა და სომხეთის პრეზიდენტები შეხვდებიან. ილჰამ ალიევისა და სერჟ სარგსიანის შეხვედრა ეუთო-ს მინსკის ჯგუფის შუამავლობით გაიმართება. მოლაპარაკებებს ასევე დაესწრებიან ეუთო-ს მინსკის ჯგუფის თანათავმჯდომარე ქვეყნების – აშშ-ის, საფრანგეთისა და რუსეთის ელჩები.
შეხვედრის მთავარი თემა მთიანი ყარაბაღის კონფლიქტის მშვიდობიანი დარეგულირება იქნება.
5 აპრილს მთიან ყარაბაღში სამდღიანი საბრძოლო მოქმედებების შემდეგ სომხეთმა და აზერბაიჯანმა ცეცხლის შეწყვეტის შეთანხმებას მიაღწიეს, თუმცა მხარეები ცეცხლის შეწყვეტის რეჟიმის დარღვევაზე საუბრობენ.
