„ვრ ჰოლდინგის” დამფუძნებელი ნოშრევან ნამორაძე ამბობს, რომ ირაკლი ღარიბაშვილთან მეგობრობს და არაა ის კაცი, ვინც “რაღაც თანამდებობის გამო” ადამიანთან მეგობრობაზე იტყვის უარს.
მისივე თქმით, დარწმუნებულია, რომ ყოფილი პრემიერის დაკავების საშიშროება არ არსებობს და ის კარგადაა.
„დარწმუნებული ვარ, კარგად არის. დარწმუნებული ვარ, დაჭერის არ ეშინია, არც არის მაგის საშიშროება. მე ვძმაკაცობ, ვმეგობრობ ირაკლი ღარიბაშვილთან. მე არ ვარ ის კაცი და ადამიანი ვინც უარყოფს გარკვეული თანამდებობის გამო პიროვნულ ურთიერთობებს. ყოველთვის მისი ერთგული და მეგობარი ვიქნებით“,- აღნიშნა ნამორაძემ „ტვ პირველთან“.
ნოშრევან ნამორაძე დედაქალაქის მერის, კახა კალაძის მიერ გამართულ თბილისის ურბანული და სატრანსპორტო პოლიტიკის პრეზენტაციაზე იმყოფებოდა.
