ვაზისუბანში ავტოსაგზაო შემთხვევას მსხვერპლი მოჰყვა. როგორც “თაიმერს” შინაგან საქმეთა სამინისტროში განუცხადეს, ქვეითად მოსიარულე მამაკაცს ავტომობილი დაეჯახა და ქვეითი ადგილზე გარდაიცვალა.
უწყების ინფორმაციით, მომხდარზე დაწყებულია გამოძიება 275-ე მუხლის მე-5 ნაწილით რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა. ავტომობილის მძღოლი შემთხვევის ადგილიდან არ მიმალულა.
