ნიქოზისა და ცხინვალის მიტროპოლიტი ისაია ილია მართლის სიტყვებით მიმართავს კრებას და ახალ პატრიარქს გამბედაობასა და სიმართლის თქმას უსურვებს. მეუფე მიიჩნევს, რომ მომავალი მამამთავარი ილია ჭავჭავაძისეული ვაჟკაცობის სიმბოლო უნდა იყოს.
„წმინდა ილია მართალი ამბობს: „ვაჟკაც იგია, ვინც მართალს ეტყვის ქვეყანას მცდომსაო; ვინც არ შეუდრკა მრავალსა, ხშირად მართლისთვის მწყრომსაო; ვინც კრავს უმანკოს ეკრძალვის და პირში უდგა ლომსაო“. სიბრძნეს და სწორედ ასეთ ვაჟკაცობას, სიმტკიცესა და მოკრძალებას ვუსურვებთ ჩვენს მომავალ პატრიარქს!“ — აღნიშნავს მეუფე ისაია.
მიტროპოლიტის თქმით, ახალი პატრიარქი იქნება „თანასწორთა შორის უპირატესი“, რომელსაც ჭეშმარიტებისა და სიყვარულის გზით ქვეყნის უკეთესი მომავლის რწმენა უნდა ჰქონდეს.
ცნობისთვის, აღნიშნული ტექსტი მეუფე ისაიამ გაფართოებული კრების გამართვამდე მიწერა მეუფეებს.
