ვასილ მაღლაფერიძე – პირველ არხზე ადამიანებს ვერ აკადრებ, „რუსთავზე 2“-ზე გადადი, ეს აბსურდია, სრულიად სასაცილო

region
ავტ.: region ივლისი 18, 2019 18:44

ვასილ მაღლაფერიძე – პირველ არხზე ადამიანებს ვერ აკადრებ, „რუსთავზე 2“-ზე გადადი, ეს აბსურდია, სრულიად სასაცილო

პირველ არხზე ადამიანებს ვერ აკადრებ, „რუსთავზე 2“-ზე გადადი, ეს აბსურდია, სრულიად სასაცილო, – ამის შესახებ საქართველოს პირველი არხის გენერალურმა დირექტორმა, ვასილ მაღლაფერიძემ „ევროპული საქართველოს“ წევრის გიგი უგულავას განცხადების საპასუხოდ აღნიშნა.

„ბატონი გიგი თხზავს ამას, ეტყობა კიდევ ბევრი ჰყავს მოსატყუებელი. თუ გადაწყვიტა, რომ ასეთი ტყუილები ავრცელოს, ავრცელოს და იყოს. მე არც მისი ბოდიში მჭირდება და არც მისი კომპლიმენტები, ეს არც პირველია და ალბათ არც ბოლო, რასაც მისგან ასეთი ტიპის ბოდვას ვისმენთ. გაახსენდა უცებ პირველი არხი და ისეთი აბსურდი, რომ პირველ არხზე შეიძლება ვიღაცას აკადრო მსგავსი რამ. ვიცი, რა საზოგადოებაშიც არის გაზრდილი, ის არ არის თავისუფალ საზოგადოებას მიჩვეული – პირველ არხზე ადამიანებს ვერ აკადრებ, რომ კონტრაქტს არ გაგიფორმებ და მით უმეტეს, „რუსთავზე 2“-ზე გადადი, ეს აბსურდია, სრულიად სასაცილო. რაც შეეხება წყაროს, მე არ მგონია, რომ ეს წყაროა, რითიც ის სარგებლობს, შეიძლება იყოს ტლაპო, საიდანაც მან ეს ინფორმაცია ამოიღო, რადგან წყარო არის ის, რაც რეალობასთან კავშირშია. აგერ არის პირველი არხი, 1200 ადამიანი მუშაობს აქ, მსგავსი სისულელე აზრად არავის მოუვა და არც ის, რომ ასეთი რამ ვინმემ ვინმეს უთხრას. ეს რა არის, გინებას ვეგუებით და არა უშავს, ესეც გასავლელი ეტაპია. განრისხდა და წყაროც არ დაასახელა, ჟურნალისტებსაც ასწავლის ჭკუას და ა.შ. მასე ყველაფრის თქმა შეიძლება და თქვას, ამ რანგის პოლიტიკოსად იქნება განხილული“, – განაცხადა ვასილ მაღლაფერიძემ.

„ევროპული საქართველოს“ წევრმა, გიგი უგულავამ დღეს „რუსთავი 2“-ის ეთერში განაცხადა: „ბოლო ერთი თვეა და განსაკუთრებით ორი კვირაა, ვასიკო მაღლაფერიძე დადის და ამბობს, კონტრაქტს არ გაგიფორმებთ, პირველი არხიდან გადაგიყვანთ „რუსთავი 2“-ში. ვინც მოძულებული და მობეზრებული ჰყავთ, ყველას გადმოყვანა უნდათ აქ“.

region
ავტ.: region ივლისი 18, 2019 18:44

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,509
ვიზიტორი
დღეში
Powered By Google Analytics