არის სექტორები, განსაკუთრებით ტურიზმი და მასთან დაკავშირებული სექტორები, რომლებიც გვესმის, რომ დღეს მარტივ მოცემულობაში არ იქნება, შესაბამისად კონკრეტულ სამოქმედო გეგმებს უახლოეს პერიოდში გავაჟღერებთ – ამის შესახებ ლიბერთი ბანკის გენერალურმა დირექტორმა ვასილ ხოდელმა პრემიერ-მინისტრთან და ეკონომიკურ გუნდთან მთავრობის ადმინისტრაციაში გამართული შეხვედრის შემდეგ განაცხადა.
ვასილ ხოდელის თქმით, ბანკები მზად არიან ტურიზმის სექტორს მაქსიმალური მხარდაჭერა გამოუცხადონ, რათა კორონავირუსმა ნაკლები გავლენა მოახდინოს ბიზნესზე და შესაბამისად, ქვეყნის ეკონომიკურ განვითარებაზე.
„ჩვენ ვისაუბრეთ მიმდინარე გამოწვევებზე, რომელიც კორონავირუსთან არის დაკავშირებული, ასევე ქვეყანაში არსებულ ეკონომიკურ მდგომარეობაზე და შესაძლო გავლენებზე. შეთანხმებული გვაქვს სამოქმედო გეგმა, რომელსაც ჩვენ პერმანენტულად განახლებას ვუკეთებთ და ვმოქმედებთ ერთმანეთთან შეთანხმებით“, – განაცხადა ვასილ ხოდელმა.
