ვაშაძე – „ქართული ოცნების“ ყველა განცხადება მიუთითებს, რომ მათ არ აღელვებთ ადამიანების ბედი

gulis eleqsiri

„ქართული ოცნებისა“ და მისი ლიდერების განცხადებები, რასაც გუშინ და დღეს ვისმენთ, არის აბსოლუტურად უპასუხისმგებლო, – ამის შესახებ „სტრატეგია აღმაშენებლის“ ლიდერმა, გიორგი ვაშაძემ განაცხადა.

ვაშაძის თქმით, მისი პარტია ყოველთვის რბილად საუბრობდა არჩევნების გადადებასთან დაკავშირებით, „ქართული ოცნების“ მიზანი ვითარების ორპოლუსიანად წარმოჩენაა.

„ქვეყანაში არის უმძიმესი ვითარება, მძვინვარებს პანდემია, ტრაგედია შეეხო ბევრ ჩვენს ახლობელს, ჩვენს ოჯახებს. ყოველდღიურად მეტი და მეტი გარდაცვლილია, ჯანდაცვის სისტემა უმძიმეს ვითარებაშია და ხალხს რეალურად ეშინია კოვიდპანდემიის, რადგან არ იმართება სისტემა ისე, როგორც უნდა იმართებოდეს. ამ ფონზე „ქართული ოცნებისა“ და მისი ლიდერების განცხადებები, რასაც გუშინ და დღეს ვისმენთ, არის აბსოლუტურად უპასუხისმგებლო. რამდენად უპრინციპო უნდა იყო ადამიანი, როცა კვლავ პოლიტიკური მიზნებისთვის იყენებს კოვიდპანდემიასაც. ჩვენს ყველა განცხადებაში ყოველთვის რბილად ვსაუბრობდით არჩევნების გადადებასთან დაკავშირებით. მათი მიზანია, აჩვენონ, რომ ორპოლუსიანია ქვეყანა, თქვან, რომ ყველა ერთი პარტიაა, მათ შორის სახალხო დამცველი, პარტიებსა და პოლიტიკოსებს შორის განსხვავება არ არის. ნუთუ არ რცხვენიათ, როცა ამდენი ადამიანი კვდება. ამ ვითარებაში მაინც თქვენი სტანდარტული პოლიტიკური სტრატეგია, რომ ყველა ერთი პარტიაა და ყველა განსხვავებული აზრი არის ერთი პარტიიდან ნათქვამი, ეს მოიშალოთ. როდემდე უნდა გაგრძელდეს ეს უბედურება. ტრაგედია ტრიალებს ქვეყანაში, სიკვდილის სუნი ტრიალებს ქუჩებში, ყველგან და თქვენ ამ ფონზე ამ სიბინძურეს მიმართავთ. „ქართული ოცნების“ ყველა განცხადება მიუთითებს, რომ მათ არ აღელვებთ ადამიანების ბედი, რომ მზად არიან, საკუთარი პოლიტიკური ინტერესებისთვის გასწირონ ადამიანების სიცოცხლე, მეტი არაფერი“, – განაცხადა გიორგი ვაშაძემ.

წინა სტატიაშისაინფორმაციო ბრიფინგი რეგისტრაციიდან მოხსნილი, რეგისტრაცია ძალადაკარგული და მისამართის მითითების გარეშე რეგისტრირებული საქართველოს მოქალაქეების საარჩევნო უფლებების შესახებ
შემდეგი სტატიაგოდერძის უღელტეხილზე ავტომობილი ხევში გადავარდა