ქართული ოცნება მარცხდება. ისინი 20%-ზე მეტს ვერ აიღებენ და ამიტომაც არის, რომ უსუსური მცდელობები აქვთ. ხომ იციან, რომ წინასწარ წაგებული მცდელობა აქვთ, მაგრამ ბოდიში ამ სიტყვისთვის, კიდევ ერთი გაბანძებისთვისაც მზად არიან – იმიტომ, რომ თემა რაიმე სხვა საკითხზე გადაიტანონ.
მათ ვეუბნები – ხალხო, ნუ გეშინიათ. მარცხი, წადით ოპოზიციაში, ჩვენ საქმეს მივხედავთ და მერე ვნახოთ, რას ილაპარაკებთ და რას გააკეთებთ ამ ქვეყანაში. დაგვაკვირდით, რამდენ კარგ საქმეს გავაკეთებთ საქართველოში,-ასე გამოეხმაურა ქართული ოცნების მიერ სალომე ზურაბიშვილის იმპიჩმენტის ხელახლა დაწყებას ერთიანობა-ნაციონალური მოძრაობის ერთ-ერთი ლიდერი, გიორგი ვაშაძე. პარლამენტის თავმჯდომარის, შალვა პაპუაშვილის თქმით, საპარლამენტო უმრავლესობამ მიიღო გადაწყვეტილება, ხელახლა აღძრან იმპიჩმენტის პროცედურა პრეზიდენტ სალომე ზურაბიშვილის მიმართ. პაპუაშვილის განცხადებით, წარდგინება საკონსტიტუციო სასამართლოს საპარლამენტო არჩევნებამდე წარედგინება.
