ვასაძე: “გვაქვს ინფორმაცია, რომ დაგეგმილია ჩემდამი ფიზიკური განადგურების მცდელობა”

გვაქვს ინფორმაცია, რომ დაგეგმილია ჩემდამი ფიზიკური განადგურების მცდელობა, – ამის შესახებ ბიზნესმენმა ლევან ვასაძემ ჟურნალისტებს განუცხადა.

ლევან ვასაძის თქმით, თუ მსგავსი რამ მოხდება, ეს იქნება არა ხელისუფლების ბრალი, არამედ იმ ძალების, რომლებსაც ქვეყნის დესტაბილიზაცია უნდათ.

„ეს ინფორმაცია უშიშროების მხრიდან გვაქვს. იმედია, არ მოხდება, მაგრამ ეს იგეგმება იმისთვის, რომ დაბრალდეს მთავრობას, ბიძინა ივანიშვილს და აირიოს ქვეყანა. გუშინდლიდან ჩვენ გადავედით მშვიდ რეჟიმში, თუმცა ჯერ ლელო ბოლომდე არ გაგვიტანია. სახელმწიფომ გადმოდგა ჩვენ მიმართ რაღაც დადებითი ნაბიჯები. ბოლომდე ვერ ვენდობით, მზაობაში ვართ და სიმშვიდეს ვინარჩუნებთ. მე თავიდანვე ვთქვი, რომ ჩემი ღრმა რწმენით, ეს ყველაფერი მიმართული იყო სახელმწიფოს დესტაბილიზაციიაზე და ლოგიკურია ასეთი სვლა. ნამდვილად არ მინდა თავი გავიბითურო, მოგაჩვენოთ თავი და ტყუილად ვილაპარაკო, არც მინდა, რომ ოჯახის წევრები ვანერვიულო, მაგრამ ასეთი ინფორმაცია ნამდვილად არის. მე ვიტყოდი ასე, რომ ღმერთმა დაგვიფაროს, მე არ მჯერა, რომ ასეთი რამ შესაძლებელია, მაგრამ რაღაც მსგავსი თუ მოხდა, მინდა, საჯაროდ განვაცხადო, რომ ჩემი ღრმა რწმენით, ეს არ იქნება ხელისუფლების ბრალი. ანუ თუ ეს გაკეთდა, ეს იქნება პროვოკაცია ხელისუფლების წინააღმდეგ. ყველას, ვინც ამ სახალხო მოძრაობაშია ჩართული, მივმართავ თხოვნით, რაღაც მსგავსი რომ მოხდეს, იცოდეთ, რომ ეს არ არის ხელისუფლების ბრალი. ეს არის იმ ძალების ბრალი, რომლებსაც უნდათ ჩვენი ქვეყნის დესტაბილიზაცია“, – განაცხადა ლევან ვასაძემ.

banner
წინა სტატიაშიმამუკა ბახტაძე – ეკატერინე ტიკარაძე ჩვენი პოლიტიკური გუნდის გამორჩეული სახე გახდება
შემდეგი სტატიაუჭერს თუ არა ზურაბიშვილი მხარს გამოხატვის თავისუფლებას და ლგბტ თემის სურვილს, ჩაატარონ “ღირსების მარში” -რა პასუხი აქვს პრეზიდენტის ადმინისტრაციას?!