ვარშავაში, კონსტიტუციის მოედანზე მდებარე ერთ-ერთ რესტორანში დაპირისპირების შედეგად საქართველოს სამი მოქალაქე დაშავდა.
ამის შესახებ ინფორმაციას, ვარშავის პოლიცია სოციალურ ქსელში ავრცელებს.
პოლიციის ცნობით, დაშავებულთაგან ერთ-ერთი, 31 წლის მამაკაცი გულმკერდის არეში მიყენებული ჭრილობით საავადმყოფოში გადაიყვანეს, სადაც ექიმებმა მისი გადარჩენა ვერ შეძლეს.
„მომხდართან დაკავშირებით საქართველოს სამი მოქალაქე დააკავეს. საგამოძიებო მოქმედებები გრძელდება“, – ნათქვამია ვარშავის პოლიციის მიერ გავრცელებულ ინფორმაციაში.
