გვიან ღამით მკვლელობა მოხდა თბილისში. არსებული ინფორმაციით, ვარკეთილში, შუამთის ქუჩაზე ახალგაზრდა მამაკაცმა ჯერ ცოლი მოკლა, შემდეგ კი თავი მოიკლა.
ფაქტს თვითმხილველები არ ჰყავს. ასევე უცნობია ჯერ-ჯერობით მკვლელობის მოტივიც.
შემთხვევის ადგილზე ექსპერტ-კრიმინალისტები მუშაობდნენ. ცხედრები პროზექტურაშია გადასვენებული.
როგორც “თაიმერს” შსს-ში განუცხადეს, მომხდარზე გამოძიება საქართველოს სისხლის სამართლის კოდექსის 108-ე განზრახ მკვლელობისა და 115-ე თვითმკვლელობამდე მიყვანის მუხლებით მიმდინარეობს.