ამ წუთებში ვარდების მოედანზე ნაციონალური მოძრაობის აქცია მიმდინარეობს. რამდენიმე წუთის წინ მხარდამჭერებს გივი თარგამაძემ მიმართა.
მან მადლობა გადაუხადა აქციის მონაწილეებს შეკრებისთვის და სოლიდარობისთვის, რომელიც როგორც დეპუტატი ამბობს, გუშინ მას გამოუცხადეს.
“მადლობას გიხდით იმ თანადგომისთვის, რაც მე თითოეული თქვენგანისგან დავინახე. იმ მხნეობისთვის, რომ თქვენ აქ მოხვედით. უდიდეს მწუხარებას გამოვთქვამ, რომ, როდესაც ვიღაც არამზადებმა ჩემთან ანგარიშსწორება სცადეს, დაზარალდნენ ადამიანები. ერთ-ერთი ადამიანის მდგომარეობა მძიმეა და ვნატრობ, რომ ეს ადამიანი გადარჩეს. მე ვარ გივი თარგამაძე, გივი თარგამაძე ბაბუაჩემი იმავე ადგილზე 27 აპრილს დახვრიტეს. მე არ გავჩერდები, საქართველო არ გაჩერდება საქართველოს გამარჯვებას გაუმარჯოს,” – აცხადებს თარგამაძე.
https://youtu.be/YtKkTxaBk_E
