გურჯაანის მუნიციპალიტეტის სოფელ ვეჯინში ბიბლიოთეკა დაარბიეს. დამტვრეულია ბიბლიოთეკის ინვენტარი, განადგურებულია წიგნები, დაზიანებულია ტექნიკა და სხვა ნივთები.
გურჯაანის მერის, ინფორმაციით, იყო ხანძრის გაჩენის მცდელობაც, თუმცა ცეცხლის ლოკალიზება საგანგებო სიტუაციების სამსახურმა დროულად მოახერხა.
შს სამინისტროს ინფორმაციით, გამოძიება სსსკ-ის 187-ე მუხლის მეორე ნაწილით მიმდინარეობს. რაც ნივთის დაზიანებას ან განადგურებას გულისხმობს.
