თბილისის საქალაქო სასამართლომ ვაკის კორტებთან მომხდარი მკვლელობის საქმეზე ბრალდებულს, მალხაზ ბაგათელიას აღკვეთის ღონისძიების სახით პატიმრობა შეუფარდა.
როგორც პროკურორმა სასამართლო პროცესის დასრულების შემდეგ განაცხადა, მოსამართლემ გაიზიარა პროკურატურის მტკიცებულებები იმის თაობაზე, რომ არსებობდა ახალი დანაშაულის ჩადენის, მტკიცებულებების განადგურების და მიმალვის საფრთხე.
შეგახსენებთ, რომ მკვლვლობა ვაკის კორტებთან 31 დეკემბერს მოხდა. გამოძიება სისხლის სამართლის კოდექსის 108-ე, 236-ე და 260-ე მუხლებით მიმდინარეობს, რაც 15 წლამდე ვადით თავისუფლების აღკვეთას ითვალისწინებს. პოლიციამ დაკავებულის პირადი ჩხრეკისას, ასევე, ამოიღო ნარკოტიკული საშუალება “მეთადონის” შემცველი 25 აბი.
