გენერალური შტაბის ხელმძღვანელი, ვახტანგ კაპანაძე ტრისტან წითელაშვილის საქმესთან დაკავშირებით კომენტარს აკეთებს. კაპანაძის განცხადებით, მისთვის აღნიშნული შემთხვევა თავიდანვე ცნობილი იყო და ამ საკითხს კომპეტენტური ორგანოები სწავლობდნენ:
„ჩემთვის აღნიშნული შემთხვევა თავის დროზე ცნობილი იყო. შესაბამისად, კომპეტენტური ორგანოები სწავლობდნენ ამ საკითხს. მე არ მეხება გამოძიება, მე მეხება შეიარაღებული ძალების მართვა. ასეთ დარღვევებს თუ არდარღვევებს, გამოიძიებენ შესაბამისი ორგანოები,“ – განაცხადა გენერალ-მაიორმა ვახტანგ კანაპაძემ.