ვახტანგ გომელაური ვარაუდობს, რომ ექიმ ვაჟა გაფრინდაშვილს ე.წ. სასამართლოს გადაწყვეტილების შემდეგ გაათავისუფლებენ

ექიმ ვაჟა გაფრინდაშვილის საკითხთან დაკავშირებით ჩართულია ყველა საერთაშორისო ორგანიზაცია, – ამის შესახებ საქართველოს შინაგან საქმეთა მინისტრმა, ვახტანგ გომელაურმა განაცხადა.

„ჩვენ გვაქვს კონტაქტი. ჩართულია ყველა საერთაშორისო ორგანიზაცია. ხაზგასასმელია, რომ ეს ადამიანი არის ექიმი და არა მებრძოლი ან ყოფილი ძალოვანი სტრუქტურის წარმომადგენელი. მე ვფიქრობ, რომ ამ ადამიანს გამოუშვებენ. თვითონაც უხერხულად არიან, დარწმუნებულები ვართ. რაც უნდა ცხელი ომი იყოს, ექიმის დაკავება მსოფლიოში არსად არ შეიძლება და უშვებენ. აქედან გამომდინარე, შეგვპირდნენ და გამოუშვებენ, ელოდებიან სასამართლოს გადაწყვეტილებას“, – განაცხადა ვახტანგ გომელაურმა.

საქართველოს მოქალაქე, თბილისში მცხოვრები ექიმი ვაჟა გაფრინდაშვილი ოკუპირებული ორჭოსანის სიახლოვეს 9 ნოემბერს დააკავეს. ექიმის წინააღმდეგ დე ფაქტო რეჟიმმა სისხლის სამართლის საქმე აღძრა. ცხინვალის საოკუპაციო რეჟიმმა ვაჟა გაფრინდაშვილს წინასწარი ორთვიანი პატიმრობა შეუფარდა.

რეკლამის ბანერი
წინა სტატიაში“გვაქვს პასუხისმგებლობა, ანაკლიის პორტზე უსასრულოდ არ გაგრძელდეს ინვესტორთან თანამშრომლობა”
შემდეგი სტატიაზოიძე პროპორციულზე-თავისუფალი კენჭისყრა რომ გამოცხადდა, უკვე ვიცოდი, რომ ჩავარდებოდა