უვიზო რეჟიმის ამოქმედების შემდეგ პირველი ავიარეისი საქართველოდან პოლონეთის მიმართულებით შესრულდება.
თბილისის საერთაშორისო აეროპორტის პრესსამსახურის ინფორმაციით, 28 მარტს შოთა რუსთაველის სახელობის აეროპორტიდან პოლონეთის მიმართულებით ფრენა 04:55 საათზეა დაგეგმილი.
ამასთან, შემდეგი რეისი ათენის მიმართულებით 05:15 საათზე განხორციელდება, რომლითაც საქართველოს პრემიერ-მინისტრი ახალგაზრდებთან, მეცნიერებთან და ჟურნალისტებთან ერთად იმგზავრებს.
რაც შეეხება მესამე პირდაპირ რეისს, თბილისი საერთაშორისო აეროპორტიდან ავიარეისი მიუნხენის მიმართულებით 05:35 საათზე შედგება.
რაც შეეხება ქუთაისის დავით აღმაშენებლის სახელობის აეროპორტიდან დაგეგმილ ავიარეისებს, როგორც აეროპორტში საზოგადოებრივს განუცხადეს, ბუდაპეშტის მიმართულებით რეისი 05:45 საათზე შესრულდება, ასევე, ქუთაისიდან სალონიკის მიმართულებით ფრენა 06:00 საათზეა დაგეგმილი.
ევროკავშირთან უვიზო მიმოსვლა ამოქმედდა. საქართველოს მოქალაქეები ევროკავშირის 22 წევრ, 4 არაწევრ და შენგენის 4 კანდიდატ ქვეყანაში უვიზოდ მიმოსვლას 180 დღიდან 90 დღის განმავლობაში შეძლებენ.