უვიზო მიმოსვლის სანაცვლოდ გათავისუფლდეს მერაბიშვილი და უგულავა

uviz-sanacvlodასოცირების კომიტეტმა, სადაც ქართველი და ევროპელი დეპუტატები ასოცირების ხელშეკრულების იმპლემენტაციაზე საუბრობდნენ, საქართველოსთვის უვიზო რეჟიმის მინიჭებას მხარი დაუჭირა. დეპუტატებმა საქართველოს მინისტრთა კაბინეტის წევრებსაც მოუსმინეს. მიღებულია ერთობლივი განცხადებაც, სადაც მედიის თავისუფლებაზე, მოახლოებულ არჩევნებზე, ოკუპირებულ ტეროტორიებსა და დაბალანსებული პოლიტიკური სისტემის აუცილებლობაზეა საუბარი. ევროპის სახალხო პარტიის წევრმა სარიუშ ვოლსკიმ სხდომის შემდეგ კომენტარი გააკეთა და მთავრობას ულტიმატუმი და პირობები წაუყენა. გათავისუფლდეს პოლიტ-პატიმრები უგულავა და მერაბიშვილი.

 

ევროკავშირი-საქართველოს საპარლამენტო ასოცირების კომიტეტმა, რომლის მეორე სხდომა ბრიუსელში გაიმართა, რეზოლუცია მიიღო. რეზოლუციის ტექსტის თანახმად, ასოცირების კომიტეტი მიესალმა საქართველოს ძალისხმევას − უზრუნველყოს საქართველოს კანონმდებლობის ევროკავშირის სტანდარტებთან დაახლოება.
კომიტეტი სრულად აღიარებს საქართველოს მიერ მიღწეული რეფორმების წარმატებას და პროგრესს ყველა იმ სფეროში, რომელთაც სავიზო რეჟიმის ლიბერალიზაციის სამოქმედო გეგმის (VLAP) ოთხივე ბლოკი მოიცავს და მიესალმება სასამართლო სისტემის რეფორმირების კუთხით გადადგმულ ნაბიჯებს.
„კომიტეტი მიესალმება სასამართლო სისტემის რეფორმისკენ მიმართულ მიმდინარე ძალისხმევას, განსაკუთრებით, პროკურატურის რეფორმის კუთხით“, − ნათქვამია რეზოლუციის ტექსტში.
ასევე, კომიტეტი მიესალმა არასრულწლოვანთა მართლმსაჯულების ახალი კოდექსის მიღებას, ადამიანის უფლებათა ახალი სტრატეგიის განხორციელებას და დადებითად შეაფასა შრომის ახალი კოდექსის მიღება.
როგორც ასოცირების კომიტეტმა აღნიშნა, საქართველო-ევროკავშირის ურთიერთობებში ასოცირების შეთანხმების ხელმოწერა და რატიფიკაცია არ წარმოადგენს საბოლოო მიზანს.
„ევროკავშირის ხელშეკრულების 49-ე მუხლის თანახმად, საქართველოს, ისევე, როგორც ნებისმიერ ევროპულ სახელმწიფოს, აქვს ევროპული პერსპექტივა და შეუძლია, გახდეს ევროკავშირის სრულუფლებიანი წევრი, იმ პირობით, თუ ის დაიცავს დემოკრატიის პრინციპებს, პატივს სცემს ძირითად თავისუფლებებს, ადამიანისა და უმცირესობების უფლებებს და უზრუნველყოფს კანონის უზენაესობას“, − ნათქვამია რეზოლუციის ტექსტში.
კომიტეტი მიესალმა 2016 წლის 9 მარტის წინადადებას, რომლის თანახმადაც, ევროკომისიამ ევროპარლამენტსა და ევროპის საბჭოს საქართველოსთვის სავიზო მოთხოვნების მოხსნისკენ მოუწოდა.
ევროკავშირი-საქართველოს საპარლამენტო ასოცირების კომიტეტის მეორე სხდომა ბრიუსელში 25-26 აპრილს გაიმართა.

 

banner
წინა სტატიაშიპუტინმა რუსეთის ფედერაციასა და ე,წ. სამხრეთ ოსეთს შორის „სახელმწიფო საზღვრის შესახებ“ შეთანხმების რატიფიცირება მოახდინა
შემდეგი სტატიაქართული ოცნების” ზოგიერთი არცთუ ნორჩი ლენინელი და სტალინელი მართლაც გვიქმნის პრობლემას