ზუგდიდში აქციების აქტიური მონაწილე და მედროშე, შალვა ესართია დააკავეს. სოციალურ ქსელებში გავრცელებულ კადრებში ჩანს, რომ მას ოთხი პოლიციელი ძალის გამოყენებით სვამს პატრულის მანქანაში.
ტვ პირველის ინფორმაციით, აქტივისტს პოლიციის მიმართ დაუმორჩილებლობას და შეურაცხყოფას ედავებიან. ესართია, ზუგდიდის საპატრულო პოლიციის განყოფილებაშია გადაყვანილი.
წინასწარი ინფორმაციით, მას გარკვეული დაზიანება აღენიშნება, რის გამოც პოლიციის განყოფილებაში სასწრაფოს გამოძახება გახდა საჭირო. სანახავად არ უშვებენ ადვოკატს.
შალვა ესართია არაერთხელ გამხდარა პოლიციელების სამიზნე, მას სიტყვა “მილიციელის“ გამო, ნიკოლოზ თორდიამაც უჩივლა და 7 დღით პატიმრობაშიც გაუშვეს.
