როსტოვში მომხდარ ტრაგედიას საქართველოს პარლამენტის თავმჯდომარეც გამოეხმაურა. დავით უსუფაშვილმა პარლამენტის სახელით ტრაგედიის შედეგად დაღუპულთა ოჯახებსა და ახლობლებს მიუსამძიმრა:
„საქართველოს პარლამენტის სახელით, მწუხარებას გამოვთქვამ რუსეთის ფედერაციის ქალაქ როსტოვში მომხდარი ავიაკატასტროფის გამო, რომელსაც 62 ადამიანის სიცოცხლე შეეწირა. ამ უმძიმეს წუთებში, სამძიმარს და თანადგომას ვუცხადებთ ტრაგედიის შედეგად დაღუპულთა ოჯახებსა და ახლობლებს.“- აღნიშნულია პარლამენტის თავმჯდომარის მიმართვაში.