ურსულა ფონ დერ ლაიენი – ვიდრე ვმუშაობთ, რათა უკრაინას ომის მოგებაში დავეხმაროთ, ასევე უნდა დავრწმუნდეთ, რომ მოიპოვებს მშვიდობას, რომელიც აუცილებლად დადგება

ვიდრე ჩვენ ამ დღეებში ვმუშაობთ, რათა უკრაინას ამ ომის მოგებაში დავეხმაროთ, ჩვენ ასევე უნდა დავრწმუნდეთ, რომ უკრაინა მოიპოვებს მშვიდობას, რომელიც აუცილებლად დადგება , – აღნიშნულის შესახებ ევროკომისიის პრეზიდენტმა ურსულა ფონ დერ ლაიენმა ევროპარლამენტის პლენარულ სხდომაზე განაცხადა.

ლაიენის თქმით, უკრაინის რეკონსტრუქციასთან დაკავშირებით ზაფხულის შემდეგ, მაღალი დონის კონფერენციას მოიწვევენ.

„ჩვენს წინაშე არსებული ამოცანები უზარმაზარია. თქვენ ისინი სამი სიტყვით შეაჯამეთ: ხელახლა დაფიქრება, ძალების აღდგენა, აღმშენებლობა. რა თქმა უნდა, სიტყვა აღმშენებლობა პირველ რიგში, უკრაინის რეკონსტრუქციას გვახსენებს. მე ახლახან ლუგანოდან, რეკონსტრუქციის კონფერენციიდან დავბრუნდი და ვფიქრობ, ჩვენ უკრაინის რეკონსტრუქციის გეგმის ძალიან შთამბეჭდავი პრეზენტაციის მომსწრე გავხდით. 40-ზე მეტი ქვეყნისა და ორგანიზაციის წარმომადგენლები შეთანხმდნენ ლუგანოს პრინციპებზე: რეფორმებზე ორიენტირება, გამჭვირვალობა, პასუხისმგებლობა და კანონის უზენაესობა, დემოკრატიული მონაწილეობა, გენდერული თანასწორობა, ჩართულობა, სტაბილურობა. მე ვფიქრობ, რომ ეს არის კარგი პრინციპები, ახლა ჩვენ მათ სიცოცხლე უნდა შევძინოთ. ამისათვის, ჩვენ საუკეთესო და ყველაზე ბრწყინვალე რეკონსტრუქცია გვჭირდება. სწორედ ამიტომ, „დიდი შვიდეულის“ გერმანიის თავმჯდომარეობასთან ერთად, ზაფხულის შემდეგ მაღალი დონის კონფერენციას მოვიწვევთ იმიტომ, რომ ჩვენ ყველამ ვიცით: აქამდე არასოდეს გვქონია ასეთი კოლოსალური რეკონსტრუქციის გამოწვევა. ასე რომ ჩვენ ყველა წევრის ჩართულობა გვჭირდება და სანამ ჩვენ ამ დღეებში ვმუშაობთ, რათა უკრაინას ამ ომის მოგებაში დავეხმაროთ, ჩვენ ასევე უნდა დავრწმუნდეთ, რომ უკრაინა მოიპოვებს მშვიდობას, რომელიც აუცილებლად დადგება“, – განაცხადა ლაიენმა.

წინა სტატიაშისამადაშვილი მაიკ მაკფოლის განცხადებაზე – სანქციების საკითხი წამოჭრილია არამხოლოდ ევროკავშირში, არამედ აშშ-ის დღის წესრიგშიც დადგა, ამ მიმართულებით ალბათ, უნდა ველოდოთ გადაწყვეტილებებს უახლოეს მომავალში
შემდეგი სტატიამიშელი – მზად ვართ, მივანიჭოთ საქართველოს კანდიდატის სტატუსი, როგორც კი კომისიის დასკვნაში წარმოდგენილი პრიორიტეტები მოგვარდება