ურეკში ზღვის დინებამ 4 ადამიანი წაიღო, მაშველებმა ოთხივე მათგანი წყლიდან ამოიყვანეს, თუმცა ერთის გადარჩენა ვერ მოხერხდა.
როგორც საგანგებო სიტუაციების მართვის სამსახურში ამბობენ, ერთ-ერთი დაზარალებული კრიტიკულ მდგომარეობაში იყო.
მას ადგილზე სასწრაფო სამედიცინო დახმარების ბრიგადა დახმარებას უწევდა, მაგრამ მისი გადარჩენა ვერ მოხერხდა.
გადარჩენილი სამი პირის ჯანმრთელობის მდგომარეობის შესახებ კონკრეტული დეტალები ჯერჯერობით უცნობია, თუმცა არსებული ინფორმაციით, მათ სიცოცხლეს საფრთხე არ ემუქრება.
