ბულგარეთის პრემიერმინისტრმა, ნიკოლაი დენკოვმა უნგრეთი და სერბეთი დაადანაშაულა იმაში, რომ ეხმარებოდნენ კრემლის “ომის მანქანას”, არ ეძებენ ენერგიის მომარაგების ალტერნატიულ წყაროებს.
დენკოვის კრიტიკა უნგრეთის და სერბეთის მიმართ მომდინარეობს ბულგარეთის მთავრობის მიერ ახლახან შემოღებული გაზის იმპორტის გადასახადის შესახებ დავის ფონზე.
“საკმარისი დრო იყო ალტერნატივების მოსაძებნად, რათა დავინახოთ, რომ ეს შემოსავლები მხარს უჭერს პუტინის ომის მანქანას. ჩვენ აღარ შეგვიძლია ლოდინი. სინამდვილეში, ეს უფრო ადრე უნდა მომხდარიყო”, – თქვა მან.
დენკოვმა უნგრეთის პრემიერმინისტრი ვიქტორ ორბანი და სერბეთის პრეზიდენტი ალექსანდრ ვუჩიჩი დაადანაშაულა, რომ ისინი აძლიერებენ ფასების ზრდის უსაფუძვლო შიშებს და არა მოლაპარაკებებს.
ამასთან, ბულგარეთის მთავრობის მეთაურმა დასძინა, რომ ღიაა მოლაპარაკებებისთვის.
