“უნდა ჩაერიონ იმ დოზით, რაც ელჩს ევალება და არა იმაზე მეტად, რომ გამოვიდნენ დამრიგებლის როლში”

უმრავლესობის წევრი თამაზ მეჭიაური საქართველოში აკრედიტებულ დიპლომატებს აკრიტიკებს. დეპუტატი აცხადებს, რომ ელჩები დიპლომატიის ფარგლებიდან არ უნდა გადიოდნენ და არ უნდა ერეოდნენ უცხო ქვეყნის შიდა საქმეებში.

“შეერთებული შტატები დიდი ქვეყანაა, ჩვენი მეგობარია, პარტნიორია, მაგრამ კიდევ არსებობს სუვერენიტეტის ის დოზა, რომელიც არ შეიძლება ვიღაცამ დაარღვიოს. უნდა ჩაერიონ იმ ფარგლებში და იმ დოზით, რაც ელჩს ევალება და არა იმაზე მეტად, რომ გამოვიდნენ დამრიგებლის და მთავრობის ხელმძღვანელის როლში,“ – აცხადებს თამაზ მეჭიაური.