საპარლამენტო უმრავლესობის წევრები საერთაშორისო რესპუბლიკური ინსტიტუტის (IRI) საქართველოს წარმომადგენლობის ხელმძღვანელებს ხვდებიან. დისკუსიის მთავარი თემა გუშინ გამოქვეყნებული კვლევის შედეგებია, რომელიც მმართველი პარტიის წარმომადგენელთა აზრით, საზოგადოების რეალურ განწყობებს არ ასახავს.
საპარლამენტო უმრავლესობის წარმომადგენლებს ეჭვი შეაქვთ IRI-ს მიერ დაქირავებული კომპანიის კომპეტენციაში, რომელიც საერთაშორისო რესპუბლიკური ინსტიტუტისთვის კვლევის საველე სამუშაოებს ატარებს.
IRI-ს საქართველოს ოფისის ხელმძღვანელებს შეხვედრის დაწყებამდე კომენტარები არ გაუკეთებიათ. შეხვედრა დახურულ ფორმატში მიმდინარეობს.
