საქართველოს პრეზიდენტი “ღირსეული პარტნიორი 2020-ის” სწავლებას მიესალმება, სალომე ზურაბიშვილი განცხადებას ავრცელებს.
“მივესალმები მრავალეროვნულ სწავლებას “ღირსეული პარტნიორი 2020“, რომელშიც საქართველოს თავდაცვის ძალებთან ერთად მონაწილეობას იღებენ NATO-ს ოთხი წევრი ქვეყნის – აშშ-ს, დიდი ბრიტანეთის, საფრანგეთისა და პოლონეთის წარმომადგენლები.
უმნიშვნელოვანესია ამ საერთაშორისო წვრთნის როლი საქართველოს თავდაცვისუნარიანობის გაძლიერებისა და ევროატლანტიკური ინტეგრაციის მიმართულებით, რაც საბოლოო ჯამში სტაბილურობისა და მშვიდობის განმტკიცებას ემსახურება,” – ნათქვამია პრეზიდენტის განცხადებაში.
