უკრაინამ დაიბრუნა კონტროლი ოკუპირებულ ყირიმის მახლობლად გაზისა და ნავთობის საბურღ პლატფორმებზე, რომლებიც ცნობილია როგორც „ბოიკოს კოშკები“, – ამის შესახებ უკრაინის სამხედრო დაზვერვა იუწყება.
მათივე თქმით, „ბოიკოს კოშკებს“ რუსები ვერტმფრენების დასასმელად და სარადარო აღჭურვილობის განსათავსებლად იყენებდნენ.
„უკრაინის თავდაცვის სამინისტროს მთავარი სადაზვერვო სამმართველოს ნაწილებმა „ბოიკოს კოშკებზე“ კონტროლის დამყარების უნიკალური ოპერაცია ჩაატარეს.
ოპერაციის ერთ-ერთი ეტაპის დროს მოხდა ბრძოლა გემებზე მყოფ უკრაინულ სპეცრაზმსა და რუსულ „სუ-30“-ის მოიერიშე თვითმფრინავს შორის. ბრძოლის შედეგად რუსული თვითმფრინავი იძულებული გახდა უკან დაეხია“, – აცხადებენ უკრაინის დაზვერვაში.
