12-13 ივლისის ღამეს უკრაინულმა უპილოტო საფრენმა აპარატებმა რუსეთის რამდენიმე რეგიონზე მასშტაბური იერიშები მიიტანეს, მათ შორის მოსკოვის ოლქსა და სტავროპოლის მხარეზე.
მოსკოვის ოლქის გუბერნატორის, ანდრეი ვორობიოვის ინფორმაციით, ოლქში შემავალი ქალაქი ისტრის რაიონის პიონერსკის დასახლება დრონებით განხორციელებული შეტევის შედეგად დაზიანდა. მისი განცხადებით, დაიღუპა სამი ადამიანი, კიდევ სამი კი დაშავდა.
ამასთან, სტავროპოლის მხარეში უკრაინული დრონების იერიშის შემდეგ ნავთობის საცავზე ძლიერი აფეთქება მოხდა, რასაც ფართომასშტაბიანი ხანძარი მოჰყვა.
