უკრაინულმა დრონებმა ბოლო 72 საათში კიდევ 13 მსხვილ ენერგოკვანძზე მიიტანეს იერიში, რამაც ანექსირებულ ყირიმსა და ოკუპირებულ სამხრეთ რაიონებში ელექტრომომარაგების სრული შეწყვეტა გამოიწვია.
ამის შესახებ უკრაინის უპილოტო ძალების სისტემების მეთაური რობერტ მადიარ ბროვდი სოციალურ ქსელში წერს და განადგურებული ობიექტების სიას აქვეყნებს
“ოპერაცია „ყირიმის ამომრთველი OFF“ ქვეყნის სამხრეთში მძვინვარებს: ბოლო 72 საათის განმავლობაში უკრაინის უსაფრთხოების ძალების უპილოტო საფრენი აპარატების დანაყოფებმა კიდევ 13 ენერგოკვანძი დაამუშავეს.
1 ივლისიდან 2 აგვისტომდე მიმდინარე ოპერაციის ფარგლებში, დროებით ოკუპირებულ ტერიტორიებზე განადგურებული ენერგეტიკული სამიზნეების საერთო რაოდენობამ 177-ს მიაღწია. ელექტროენერგიის გარეშეა დარჩენილი ზუივის თბოელექტროსადგური, მარიუპოლი, გენიჩესკი, ბერდიანსკი და სხვა დასახლებები. მწყობრიდანაა გამოსული 330 კვ, 220 კვ, 150 კვ და 110 კვ სიმძლავრის ქვესადგურები”,- წერს მადიარი.
