9 დეკემბერს გაიმართა უკრაინული ჟურნალის „ნოვოე ვრემიას“ მიერ დაფუძნებული პრემიის „ახალი დროის ადამიანები – 2015“ მინიჭების ცერემონიალი. 21 ნომინაციაში წარდგენილი იყო 25 ადამიანი, რომელთაც თავიანთი საქმიანობით არა მხოლოდ სერიოზული გავლენა მოახდინეს უკრაინის განვითარებაზე, არამედ შესამჩნევი იმპულსი მისცეს რეალობის შესაცვლელად.
დაჯილდოვების ცერემონიალში მონაწილეობდნენ საქართველოს ექს-პრეზიდენტი და ოდესის ოლქის გუბერნატორი მიხეილ სააკაშვილი, ყირიმელ თათართა ლიდერი მუსტაფა ჯემილევი, უკრაინის გენერალური პროკურორის მოადგილე, დავით საყვარელიძე და სხვები.
პრემია „2015 – ახალი დროის ადამიანები“ მიენიჭათ შემდეგ ნომინაციებში:
- კორუფციული სისტემის დანგრევის მცდელობისთვის:
დავით საყვარელიძე, უკრაინის გენერალური პროკურორის მოადგილე და ოდესის ოლქის პროკურორი
ვიტალი კასკო, გენერალური პროკურორის მოადგილე
- ყირიმის ოკუპაციის წინააღმდეგობისთვის:
მუსტაფა ჯემილევი, ყირიმელ თათართა ლიდერი, სახალხო დეპუტატი, ყირიმელ თათართა მეჯლისის მეთაური (1991-2013), საზოგადო მოღვაწე და დისიდენტი
რეფატ ჩუბაროვი, სახალხო დეპუტატი, ყირიმელ თათართა მეჯლისის მეთაური, პოლიტიკოსი და საზოგადო მოღვაწე
ლენურ ისლიამოვი, ბიზნესმენი, ყირიმელ თათართა ტელეარხის „ATR“-ის მფლობელი.
- მაღალი თანამდებობის ჩინოვნიკებისთვის საჯაროდ სიმართლის თქმისთვის:
მიხეილ სააკაშვილი, ოდესის ოლქია გუბერნატორი, საქართველოს ექს-პრეზიდენტი
- პოლიციის რეფორმისთვის:
ეკა ზღულაძე, უკრაინის შინაგან საქმეთა მინისტრის პირველი მოადგილე
- ევროპული სტანდარტების შესაბამისი უკრაინის უმაღლესი სასწავლების შექმნისთვის:
ბორის გუდზიაკი, უკრაინის ბერძნულ-კათოლიკური ეკლესიის ეპისკოპოსი, უკრაინის კათოლიკური უნივერსიტეტის პრეზიდენტი.
- სახელმწიფო ჩინოვნიკის ახალი სტანდარტის შექმნისთვის და სისტემის Prozorro დანერგვისთვის:
მაქსიმ ნეფიოდოვი, უკრაინის ეკონომიური განვითარების და ვაჭრობის მინისტრის მოადგილე.
- ძველი სისტემისადმი წინააღმდეგობის გაწევისა და გავლენიანი პოლიტიკოსების მართლსაწინააღმდეგო ქმედებების გამოძიებისთვის:
სერგეი ლეშჩენკო, სახალხო დეპუტატი, წარსულში ჟურნალისტი-გამომძიებელი.
- უკრაინული პროვინციის შეცვლის მისწრაფებისთვის:
მიშელ ტერეშჩენკო, ქალაქ გლუხოვოს მერი
- ონლაინ-გაყიდვების განვითარებისთვის, რამაც ყიდვა მოხერხებული და იაფი გახადა:
ვლადისლავ ჩეჩეტკინი, ინტერნეტ-მაღაზიის Rozetka.ua. დამფუძნებელი და თანამფლობელი.
- საქონლის მიტანის სერვისის დასავლური სტანდარტების შესაბამისი სისტემის შექმნისთვის:
ვლადიმერ პოპერეშნიუკი და ვიაჩესლავ კლიმოვი, კომპანია Нова пошта -ს თანადამფუძნებლები