უკრაინის ვიცე-პრემიერი ირინა ვერეშჩუკი რუსებს მოუწოდებს, სასწრაფოდ უზრუნველყონ ჰუმანიტარული დერეფანი მარიუპოლის მეტალურგიული ქარხანა „აზოვსტალიდან“.
ვიცე-პრემიერის განცხადებით, ქარხნის ტერიტორიაზე 1000 მშვიდობიანი მოქალაქე და 500 დაჭრილი ჯარისკაცი იმყოფება.
„რუსებისგან ვითხოვთ სასწრაფო ჰუმანიტარულ დერეფანს მარიუპოლის ქარხანა „აზოვსტალიდან“! იქ დაახლოებით 1000 მშვიდობიანი მოქალაქე და 500 დაჭრილი ჯარისკაცია. დღეს ისინი ყველა უნდა გამოვიყვანოთ „აზოვსტალიდან“, – აცხადებს ვერეშჩუკი.
მან მოუწოდა მსოფლიო ლიდერებს და საერთაშორისო თანამეგობრობას, ძალისხმევა „აზოვსტალზე“ მიმართონ. „ახლა ეს არის საკვანძო წერტილი და საკვანძო მომენტი ჰუმანიტარული ძალისხმევისთვის!“ – აღნიშნა ვიცე-პრემიერმა.
