უკრაინის უშიშროების ექს-შეფი: მესაზღვრეებო, ყველა უკანონო დავალების შესრულებისთვის პასუხს აგებთ

თაიმერი timer.ge
ავტ.: თაიმერი timer.ge სექტემბერი 10, 2017 01:53

უკრაინის უშიშროების ექს-შეფი: მესაზღვრეებო, ყველა უკანონო დავალების შესრულებისთვის პასუხს აგებთ

უკრაინის უშიშროების სამსახურის ყოფილი ხელმძღვანელი აცხადებს, რომ მითითებები, რასაც მესაზღვრეები იღებენ იმისთვის, რომ მიხეილ სააკაშვილი უკრაინაში არ შეუშვან, უკანონოა და ყველას, ვინც მათ შეასრულებს, მოუწევს, პასუხი აგოს.

ვალენტინ ნალივაიჩენკო, რომელიც, ამავდროულად, პარტია “სპრავედლივოსტის” ლიდერია, აცხადებს, რომ რაც ახლა “კრაკოვეცთან” ხდება, მიუღებელია: “არ შეიძლება, მშვიდად ვუყურებდეთ იმას, რომ მავთულხლართები, სპეცტექნიკა გამოჩნდა არა ქუჩაში კრიმინალების ან ფრონტზე – რუსი აგრესორების წინააღმდეგ, არამედ უკრაინის ერთი მოქალაქის წინააღმდეგ, რომელიც აპირებს, ქვეყანაში შემოვიდეს და თავისი უფლებები დაიცვას.

არ შეიძლება ვუყურებდეთ, როგორ იყენებენ ახლა უკვე მესაზღვრეებს, როგორც სადამსჯელო სისტემას საკუთარი მოქალაქეების წინააღმდეგ. ამას ხომ იანუკოვიჩი აკეთებდა, ოღონდ, ის სახელმწიფო უშიშროების სამსახურსა და “ბერკუტს” იყენებდა. 21-ე საუკუნეში არსებობს უამრავი კანონიერი საშუალება იმისთვის, რომ მავთულხლართებისა და სპეცტექნიკის გარეშე იმოქმედოთ”, – მიმართა მან მესაზღვრეებს.

თაიმერი timer.ge
ავტ.: თაიმერი timer.ge სექტემბერი 10, 2017 01:53

Google სტატისტიკა


2,461
ვიზიტორი
დღეში
Powered By Google Analytics