უკრაინის თავდაცვის სამინისტროს მიერ გაკეთებული განმარტების მიხედვით, უკრაინული ჯარები ქალაქ ლიმანის ნაწილებზე კონტროლის შესანარჩუნებლად იბრძვიან. ამის შესახებ ინფორმაციას Sky News-ი ავრცელებს.
მათივე ინფორმაციით, აღნიშნული განცხადება ეწინააღმდეგება პრორუს სეპარატისთა მიერ გაკეთებულ განცხადებებს, რომლებიც აცხადებდნენ, რომ მათ ქალაქი ლიმანი დაიპყრეს.
უკრაინის თავდაცვის უწყების თქმით, ქვეყნის ჯარისკაცები ქალაქის ჩრდილო-დასავლეთ და სამხრეთ-აღმოსავლეთ ნაწილების შესანარჩუნებლად იბრძვიან.
როგორც მედია წერს, ქალაქი ლიმანი, რომელიც უკრაინის აღმოსავლეთით მდებარეობს, სევეროდონეცკიდან დაახლოებით 40 კილომეტრზე მეტი მანძილით არის დაშორებული, რაც კრემლის ძალებისთვის სტრატეგიულ ობიექტად ითვლება.