უკრაინის თავდაცვის ძალებმა რუსეთის კოსმოსური კავშირგაბმულობის კიდევ ერთ ობიექტს დაარტყა – ამჯერად იერიში ვლადიმირის ოლქში მდებარე „ვლადიმირის“ კოსმოსური კავშირგაბმულობის ცენტრზე განხორციელდა. ეს თავდასხმა მოსკოვის მახლობლად მდებარე „დუბნის“ ცენტრზე წარმატებული დარტყმიდან სულ რაღაც ორ დღეში მოხდა – იტყობინება უკრაინის შეიარაღებული ძალების გენერალური შტაბი.
ორი დღით ადრე უკრაინამ მოსკოვის ოლქში მდებარე „დუბნის“ კოსმოსური კავშირგაბმულობის ცენტრს დაარტყა. Defense Express იტყობინებოდა, რომ „დუბნა“ წარმოადგენდა „Express“-ის თანამგზავრული ქსელის ტრაფიკის ცენტრალურ ჰაბს და ასევე ეხმარებოდა თავად ამ თანამგზავრების მართვაში. ვლადიმირის ცენტრი ასევე შედის რუსეთის სახელმწიფო კომპანია „კოსმოსური კავშირგაბმულობის“ შემადგენლობაში. 2025 წლამდე მას მხოლოდ თანამგზავრული კავშირგაბმულობის სადგურის სტატუსი ჰქონდა, თუმცა სულ რაღაც ერთი წლის წინ ის სრულფასოვან ცენტრად გადაკეთდა.
