უკრაინის თავდაცვის ძალებმა აღმოსავლეთით მდებარე ქალაქ პოკროვსკში რუსული უპილოტო საფრენი აპარატების (UAV) საწვრთნელ ბაზაზე მიზანმიმართული იერიში მიიტანეს. სამხედროების ცნობით, დარტყმის შედეგად ლიკვიდირებულია დრონების რამდენიმე ინსტრუქტორი და განადგურებულია ოპერატიული აღჭურვილობა.
უკრაინის მე-7 საჰაერო-სადესანტო კორპუსის მიერ გავრცელებული განცხადებისა და ვიდეომასალის თანახმად, იერიში მიმართული იყო რუსული ცენტრის, „რუბიკონის“ ინსტრუქტორების წინააღმდეგ, რომლებიც ქალაქის ლაზურნეს დასახლებაში დრონების ეკიპაჟებს ამზადებდნენ. სამხედრო უწყების ინფორმაციით, რუსული ძალები პილოტების ბაზად დანგრეულ მრავალსართულიან შენობას იყენებდნენ.
დარტყმის შედეგად, რუსულმა მხარემ 10-დან 15-მდე სამხედრო მოსამსახურე, უპილოტო საფრენი აპარატების მართვის 2-მდე პუნქტი, კავშირგაბმულობის კვანძი და საბრძოლო მასალის მარაგი დაკარგა.
