უკრაინის შეიარაღებული ძალების გენერალური შტაბის ინფორმაციით, უკრაინის თავდაცვის ძალებმა 9-10 აპრილის ღამეს კასპიის ზღვის შელფზე ორ რუსულ საბურღ პლატფორმას დაარტყეს.
“წინასწარი მონაცემებით, დარტყმა განხორციელდა ყინულმედეგ სტაციონარულ პლატფორმაზე (LSP-2) ვალერი გრაიფერისა (ყოფილი რაკუშეჩნოიე) და ყინულმედეგ სტაციონარულ პლატფორმაზე (LSP-1) იური კორჩაგინის საბადოებზე“-წერს უკრაინის გენშტაბი.
საბურღი პლატფორმები მდებარეობს კასპიის ზღვის ჩრდილოეთ ნაწილში, ფრონტის ხაზიდან თითქმის 1000 კილომეტრის დაშორებით, თუმცა ისინი მნიშვნელოვან როლს ასრულებენ რუსული ძალების საწვავითა და საპოხი მასალებით მომარაგებაში.
