ფრონტის ყველაზე ცხელ წერტილებად სევეროდონეცკისა და სლავიანსკის მიმართულებები რჩება, – ამის შესახებ უკრაინის შინაგან საქმეთა მინისტრის მრჩეველმა ვადიმ დენისენკომ განაცხადა.
მისი თქმით, სევეროდონეცკში, სადაც რუსმა ოკუპანტებმა მნიშვნელოვანი ძალები შეიყვანეს, მდგომარეობა უკიდურესად რთულია. მეორე ცხელი წერტილი კი სლავიანსკის მიმართულებაა.
„რუსები ახლა იქ ძალების მაქსიმალურ მობილიზებას ახდენენ. ამ მიმართულებით უკვე კონცენტრირებულია 20-ზე მეტი ტაქტიკური ჯგუფი და ერთი ასეთი ჯგუფი 600-800 კაცისგან შედგება, ასევე არის 30-ზე მეტი ჯავშანტრანსპორტიორი, 10 ტანკი”, – აღნიშნა ვადიმ დენისენკომ.
შეგახსენებთ, რუსული ძალები სევეროდონეცკში 30 მაისს, სასტიკი ბრძოლების შემდეგ შევიდნენ. ქალაქში ქუჩის ბრძოლა არ წყდება.