სამხრეთის თავდაცვის ძალების პრესსპიკერმა ვლადისლავ ვოლოშინმა განაცხადა, რომ ამჟამად ნოვოპავლოვსკის, გულიაიპოლეს და ორეხოვოს მიმართულებით სასტიკი ბრძოლები მიმდინარეობს.
„მოწინააღმდეგემ მოამზადა გარკვეული რაოდენობის ძალები, რათა გააძლიეროს თავდასხმის მოქმედებები სამხრეთის მიმართულებით, კერძოდ, ნოვოპავლოვსკეში, გულიაიპოლესა და ორეხოვოში. ამჟამად ამ მიმართულებით სასტიკი ბრძოლები მიმდინარეობს. ნოვოპავლოვსკის მიმართულებით ბოლო დღის განმავლობაში 36 საბრძოლო შეტაკება დაფიქსირდა, გუშინწინ კი „რეკორდი“ დაფიქსირდა – თითქმის 50 თავდასხმა“, – აღნიშნა ვოლოშინმა.
მან დასძინა, რომ ამ მიმართულებით, მოწინააღმდეგე არა მხოლოდ საკმაოდ აქტიურად ახორციელებს თავდასხმით ოპერაციებს, არამედ მნიშვნელოვან დარტყმებს აყენებს როგორც ავიაციით, ასევე, დრონებით, ასევე, ახორციელებს საარტილერიო დაბომბვებს. ამავდროულად, რუსები აქ უზარმაზარ დანაკარგებს განიცდიან – ერთ დღეში 150-დან 200-მდე ადამიანს. ამიტომ, ამ დანაკარგების აღსადგენად, ისინი მუდმივად იზიდავენ ძალებსა და საშუალებებს, რომლებიც იმყოფებიან ზაპოროჟიესა და ხერსონის ოლქების დროებით ოკუპირებულ ტერიტორიებზე, ასევე, ყირიმში განლაგებულ სასწავლო ცენტრებში.
