უკრაინის თავდაცვის სამინისტროს სპიკერი ალექსანდრე მოტუზიანიკი აცხადებს, რომ უკრაინა-ბელარუსის საზღვარზე ბელარუსის 6-მდე ბატალიონია მობილიზებული.
მისივე თქმით, ბელარუსი უკრაინისა და პოლონეთის მოსაზღვრე ოლქებში საჰაერო დაზვერვის ჩატარებას ცდილობს.
„ბელარუსის რესპუბლიკის შეიარაღებული ძალების გარკვეული ქვედანაყოფები, 6-მდე ბატალიონი, ბელარუსი-უკრაინის საზღვრის მონაკვეთთან, ბრესტისა და გომელის ოლქებში არიან მობილიზებული და ცდილობენ საჰაერო დაზვერვის ჩატარებას უკრაინისა და პოლონეთის მოსაზღვრე ოლქებში“, – განაცხადა მოტუზიანიკმა.
უკრაინის თავდაცვის სამინისტრო ფიქრობს, რომ ბელარუსის ტერიტორიიდან რუსული რაკეტებით თავდასხმის განხორციელების შესაძლებლობა კვლავ არსებობს.