უკრაინის რადას შენობასთან და კიევის გრუშევსკის ქუჩაზე კვლავ კარვებია გაშლილი. აქ ღამე 200-ზე მეტი აქტივისტი იმყოფებოდა.
უკრაინული მედიის ცნობით, ღამემ მშვიდობიანად ჩაიარა. კარვებთან განთავსებულია საველე სამზარეულო, სადაც აქციის მონაწილეებისათვის საჭმელს ამზადებენ. მომიტინგეების ერთი ნაწილი ღამე გადასატან ღუმელთან თბებოდა.
გრუშევსკის ქუჩაზე, რამდენიმე ადგილას, პარლამენტის შესავლელებთან სამართალდამცავთა კორდონია და ბარიერებია დაყენებული. მოძრაობა შეზღუდულია, თუმცა, ტერიტორიაზე ფეხით გადაადგილება თავისუფალია და კიეველები მარტივად მიდიან აქციის მონაწილეებთან.
