უკრაინის პრემიერ-მინისტრი ვლადიმირ გროსმანი წინადადებით გამოდის, “გაზპრომთან” სტოკჰოლმის სასამართლოში პროცესის წაგების შემთხვევაში, კომპანიას დავალიანების დასაფარავად გადაეცეს იულია ტიმოშენკო, რომელმაც, თავის დროზე “გაზპრომთან” გააფორმა კონტრაქტი. პრემიერ-მინისტრის თქმით, სასამართლო პროცესის წაგების შემთხვევაში, რაც ათობით მილიარდი დოლარის გადახდას გულისხმობს რუსული კომპანიისთვის, მათ ვალის ნაცვლად “გაზპრომს” ტიმოშენკო უნდა გადასცენ: “თუკი მან მოაწერა ხელი, დაე მანვე იტვირთოს პასუხისმგებლობა, უკრაინელებმა რატომ უნდა გადაიხადონ ტიმოშენკოს შეცდომისთვის?” – თქვა მთავრობის მეთაურმა.
“უკრაინის ნავთობგაზსა” და “გაზპრომს” შორის დავა 2014 წლიდან მიდის. უკრაინულმა მხარემ, დავის წაგების შემთხვევაში, რუსულ კომპანიას 38 მილიარდი დოლარი უნდა გადაუხადოს.