შავი ზღვის საზღვაო ჰუმანიტარული დერეფნის გავლის ნებართვა კიდევ ექვსმა გემმა მიიღო, – ამის შესახებ გაეროს მიერ მხარდაჭერილი ერთობლივი საკოორდინაციო ცენტრის მიერ გავრცელებულ განცხადებაშია აღნიშნული.
გავრცელებული ინფორმაციით, ორმა გემმა, MV Kafkam Etler-მა და MV Zelek Star-მა, უკვე გაიარა ინსპექტირება მარმარილოს ზღვაში და ოდესაში, ჩორნომორსკის პორტში დასატვირთად წასვლის ნებართვა მოიპოვა.
უკრაინული მედიის ცნობით, დანარჩენი ოთხი გემის – MV Great Arsenal-ის, MV Zumrut Ana-ის, MV Ocean S-ისა და MV Kubrosliy-ის ინსპექტირება სამშაბათს არის დაგეგმილი და თუ ინსპექტირება წარმატებით ჩაივლის, აღნიშნული გემები ჩორნომორსკში გაემგზავრებიან.
