უკრაინის ხელისუფლება დათანხმდა არჩევნების ჩატარებას, – ამის შესახებ აშშ-ის პრეზიდენტის სპეცწარმომადგენელმა სტივ უიტკოფმა განაცხადა ერთ-ერთი ინტერვიუს დროს, თუმცა, არჩევნების ჩატარების დრო არ დაუსახელებია.
ამავე ინტერვიუში უიტკოფმა განაცხადა, რომ ყველაზე დიდი კითხვის ნიშანი ამ პროცესში მოდის დონეცკის, ლუგანსკის, ზაპოროჟიისა და ხერსონის რეგიონებზე, ასევე, ყირიმზე.
” ამ რეგიონებში რუსულენოვანი მოსახლეობაა, იქ ჩატარდა რეფერენდუმები, სადაც უმრავლესობამ რუსეთთან მიერთებას მისცა ხმა. ჩემი აზრით, სწორედ ესაა დასარეგულირებელი და დავარეგულირებთ კიდეც”,- განაცხადა უიტკოფმა.
შეგახსენებთ, თებერვლის ბოლოს უკრაინის რადამ მიიღო გადაწყვეტილება, რომ საპრეზიდენტო არჩევნები ქვეყანაში მხოლოდ ომის დასრულების შემდეგ ჩატარდება, მანამდე კი ქვეყნის ლეგიტიმურ მეთაურად მოქმედი პრეზიდენტი ვოლოდიმირ ზელენსკი ითვლება.
