უკრაინის შეიარაღებული ძალების გენერალური შტაბის ცნობით, ოთხშაბათს ღამით უკრაინელმა სამხედროებმა როსტოვის ოლქის სოფელ ნოვოშახტინსკთან იერიში მიიტანეს რუსების S-300 საზენიტო სარაკეტო სისტემაზე.
გენერალური შტაბის განცხადებაში აღნიშნულია, რომ S-300 სისტემები გამოიყენებოდა რუსი სამხედროების მიერ უკრაინის ქალაქების დასაბომბად.
როსტოვის ოლქის გუბერნატორმა, ვასილი გოლუბევმა ღამით განაცხადა, რომ „საჰაერო თავდაცვის ძალებმა ჩამოაგდეს რაკეტა როსტოვის ოლქის დასავლეთით“ და ამტკიცებდა, რომ „წინასწარი მონაცემებით, ფრაგმენტების ჩამოვარდნას მსხვერპლი და ნგრევა არ მომხდარა“.
