უკრაინის შეიარაღებული ძალების გენშტაბის ინფორმაციით, ბოლო 24 საათში რუსეთის საოკუპაციო ძალები კონცენტრირებული არიან სამი მიმართულებით შტურმზე.
ბოლო დღე-ღამეში მომხდარი 18 საბრძოლო შეტაკებიდან 60 ავდეევკას, მარინკასა და კუპიანსკის მიმართულებით მოხდა. როგორც უკრაინელი სამხედროები ამტკიცებენ, რუსების ყველა შეტევა მოგერიებულია.
ამასთან, უკრაინელი მებრძოლები აგრძელებენ წინსვლას მელიტოპოლისა და ბახმუტის მიმართულებით. გრძელდება საბრძოლო შეტაკებები ხერსონთანაც, სადაც უკრაინელი სამხედროები მტრის ზურგში დისლოცირებულ ძალებს ურტყამენ.
უკრაინის დაზვერვა ავრცელებს ცნობას, რომ რუსი ოკუპანტები ხერსონის ოლქიდან შესაძლო უკან დახევის შემთხვევაში კრიტიკული ინფრასტრუქტურის აფეთქებას აპირებს და ამ მიზნით სხვადასხვა ობიექტზე ნაღმებს ამონტაჟებენ.
