მოსკოვის ნავთობგადამამუშავებელი ქარხანა დააზიანა, – ამის შესახებ აღნიშნულია უკრაინის შეიარაღებული ძალების გენშტაბის განცხადებაში.
განცხადების თანახმად, უპილოტო სისტემების და უკრაინის შეიარაღებული ძალების სპეციალური ოპერაციების ძალების, უკრაინის უსაფრთხოების სამსახურის, უკრაინის თავდაცვის სამინისტროს დაზვერვის მთავარი დირექტორატის და სხვა დანაყოფების ოპერაციის დროს, თავდასხმა მოხდა რუსეთს სტრატეგიულ ობიექტებზე, რომლებიც მონაწილეობს უკრაინის წინააღმდეგ რუსეთის შეიარაღებული აგრესიის უზრუნველყოფაში.
განცხადებაში აღნიშნულია, რომ მოსკოვის ნავთობგადამამუშავებელ ქარხანას წელიწადში 11 მილიონი ტონა საწვავის გადამუშავება და დიზელით, ბენზინით მოსკოვის მოთხოვნის 40-50 პროცენტის უზრუნველყოფა შეუძლია.
ასევე, აფეთქებები მოხდა ორლოვის ოლქში, ხაზოვანი წარმოების დისპეტჩერიზაციის სადგურის, „ფოლადის ცხენის“ მიდამოში, რაც უზრუნველყოფს ნავთობის მილსადენის „დრუჟბას“ ტექნოლოგიური პროცესების მართვას და არის მნიშვნელოვანი კომპონენტი ლენინგრადის რეგიონში საზღვაო „უსტ-ლუგას“ ტერმინალზე ნავთობის მიწოდების პროცესებში.
რუსეთის თავდაცვის სამინისტროს თანახმად, ღამით 337 უპილოტო თვითმფრინავი ჩამოაგდეს. რუსული მედიის თანახმად, თავდასხმას სამი ადამიანი ემსხვერპლა.
