კიევის პოლიციის და კიევის მერის, ვიტალი კლიჩკოს ინფორმაციით, უკრაინის დედაქალაქ კიევში უცნობმა პირმა ხალხს ცეცხლი გაუხსნა.
“კიევში უცნობმა პირმა ცეცხლის გაუხსნა ხალხს – პოლიცია სპეცოპერაციას ატარებს დამნაშავის დასაკავებლად.
წინასწარი ინფორმაციით, ერთი ადამიანი მოკლეს, არიან დაშავებულები. დაშავებულთა რაოდენობა ზუსტდება,” – ნათქვამია კიევის პოლიციის განცხადებაში.
მოგვიანებით კიევის მერმა, ვიტალი კლიჩკომ ინფორმაცია გაავრცელა, რომ ექიმების ცნობით სროლის შედეგად ორი ადამიანი დაიღუპა, ხოლო ხუთი დაჭრილი, მათ შორის ერთი ბავშვი, საავადმყოფოში გადაიყვანეს.
მისი ცნობით, დამნაშავის დასაკავებლად ოპერაცია გრძელდება.
