რუსმა ოკუპანტებმა, რომლებიც ბუჩაში ჩადენილ სისასტიკეში მონაწილეობდნენ, ხარკოვის ოლქში, იზიუმთან მსხვერპლი განიცადეს. ინფორმაციას უკრაინის შეიარაღებული ძალების გენშტაბი ავრცელებს.
“რუსეთის 64-ე ცალკეული მოტომსროლელი ბრიგადის ქვედანაყოფები, რომლებიც აქტიურ მონაწილეობას იღებდნენ უკრაინის ქალაქ ბუჩაში მშვიდობიანი მოსახლეობის მასობრივ მკვლელობებში, წამებასა და გაუპატიურებაში, იზიუმის დასახლებულ პუნქტში მოქმედებდნენ და უკვე განიცადეს ზარალი”, – აცხადებენ გენშტაბში.
ამასთან, “ПЗН 18+”-ის ცნობით, უკრაინელმა სამხედროებმა ტყვედ აიყვანეს 64-ე ბრიგადაში შემავალი ოკუპანტების ჯგუფი, რომლებიც ბუჩაში გოგონებსა და ქალებს აუპატიურებდნენ.
გავრცელებული ინფორმაციით, მათ შორის იყო ის ოკუპანტიც, რომელსაც ცოლმა უკრაინელი ქალების გაუპატიურების “უფლება მისცა” და უთხრა: “შეგიძლია უკრაინელი ქალები გააუპატიურო, უბრალოდ არ მითხრა”. ოკუპანტისა და მისი ცოლის სატელეფონო საუბარი უკრაინის უსაფრთხოების სამსახურმა 12 აპრილს გაავრცელა.